VIGAN CITY – Inlawlawag ni Chairman Misael Melinas , Chairperson ti National Federation of Transport Cooperative (NFTC), a saan a dagiti drayber ti jeep ti mismo agbayad ti mother unit a jeep nu diket dagiti consolidated entity ta isuda ti agifile ti loan iti bangko.
Iti pannaki-uman ti Bombo Radyo Vigan ken ni Melinas, inlawlawagna a saan met sigod a masukatan ti moderno a jeep dagiti local jeep dagiti drayber ta kitaen pay met ti bangko kapasidad dagiti kooperatiba nga agbayad.
Inyunay-unayna a ti intensyon ti Department of Transportation nga agconsolidate ket tapno mayurnos ti ruta gapo ta ado paylaeng dagiti self serving nga operators ken tapno maaoan dagiti lehitimo a nakarehistro ti maysa a ruta ken kasta payen a tapno mapukaw dagiti kolorum a lugan.
Innayonna nga awan ti kinaagpaysona a ti modernization program ket mangpukaw iti trabaho kadagiti draybers ta ti kinaagpaysona ket agkurkurangda pay ti drayber a maal-ala
,){kind=link}