Pinasingkedan ti Department of Transportation (DOTr) a nasurok 19,000 public utility vehicles (PUVs) ti manamnama a mangrugi nga ag-operate iti salinong ti service contracting program iti gobierno mangrugi inton Lunes.
Segun ken ni DOTr Secretary Giovanni Lopez, bassit pay laeng ti nakipaset idi nangrugi ti programa idi April 15 ngem manamnama nga umadu inton sumaruno a lawas.
Karaman kadagiti makipaset kadagiti tradisyonal ken modern jeepney, UV express, ken dagiti bus iti EDSA Busway a manamnama a marikna dagiti commuter.
Iti salinong ti programa, mabayadan dagiti bus operator ken driver iti P100 kada kilometro, P40 para iti modern jeepney ken UV Express, ken P30 para iti tradisyonal a jeepney.
Maipatungpal ti 20% discount ti plete para kadagiti pampasahero a karaman iti PUVs, malaksid pay iti maipatpatungpal a diskwento para kadagiti estudyante, senior citizens ken persons with disabilities.
