Nagpalagip ti Land Transportation Franchising and Regulatory Board (LTFRB) kadagiti operators ken drivers ti public utility vehicle wenno PUV a rumbeng a surotenda ti panangited iti 20 percent discount iti plete dagiti persons with disabilities (PWD).
Manamnama nga adu dagiti agawid iti probinsia da para iti All Saints Day ken All Souls Day inton November 1 ken 2.
Dagiti aglabsing iti nasao a pagannurotan ket mamuelta iti P5,000 para iti first offense ken P10,000 ken innem a bulan a suspension iti Certificate of Public Convenience (CPC) para iti second offense idinto a ti maikatlo nga offense ket makanselar ti CPC-da.
Impaganetget ni LTFRB Chairman Greg Pua Jr. a namnamaenda a dagiti transport companies ken operators ket sumurot iti naipatungpal a linteg a mangtulong kadagiti PWD a pasahero.
Nupay kasta, adda met laeng muelta iti saan a panangsurot a panangted iti 20 percent a diskwento.
/~ Bombo Kleo
