Mayor Isko, in-ngato na ti tulong a maipaay kadagiti jeep drivers a karaman iti Libreng Sakay Program

Positibo nga impakaammo ni Manila Mayor Isko Moreno Domagoso ti nayon a tulong a maipaay iti siudad para kadagiti tsuper wenno jeep a karaman iti programa a Libreng Sakay.

Ingato ti lokal a gobierno ti inaldaw a jeepney subsidy agingga inton sumaruno a lawas.

Ti dati a P3, 000 a tulong ket maaramid a P3, 500 para kadagiti karaman iti programa iti siudad ti Manila.

Inlawlawag ni Mayor Isko a daytoy ket naggapu iti sobra wenno nainot a pondo nga aggatad ti nasurok P600, 000 isu a nanayonan ti tulong a maipaay.