VIGAN CITY – Dead on arrival iti ospital ti maysa a kameng ti Bureau of Fire Protection – Vigan City iti pammaltog a napasamak iti oras iti alas dies idi rabii, December 29, 2024 idiay Pantay Daya, Vigan City, Ilocos Sur.
Segun ti Vigan City Police Station, ti biktima ket ni SFO1 Anthony Tarinay Manuel, agtawen iti uppat a pulo, naasawaan, naka-destino iti Bureau of Fire Protection – Vigan.
Iti inisyal nga imbestigasyon ket rimuar ti biktima iti gate-da a mapan koma ag-duty babaen ti panagaramatna ti Yamaha Aerox motorcycle idin dimteng dagiti suspek a nangpaltog kenkuana iti namin-ano a daras a nakatamaan iti agduduma a paset ti bagina.
Naipan ti biktima iti Metro Vigan Cooperativ Hospital babaen kadagiti nagresponde a personnel manipod City Disaster Risk Reduction and Management Office ngem naideklarar a dead on arrival babaen ti attending physician-na a ni Dr. Alder Gangani.
Iti panagresponde ti personnel ti Provincial Forensic Unit ket narekubreda iti uppat a fired cartridge cases ken maysa a fired bullet.
Iti agdma ket agtultuloy a maimimbestigaran iti nasao a pammaltog.
