VIGAN CITY – Maysa a barangay captain ti nakemmeg gapu ti awan a permit to carry firearm outside residence ti paltog nga ikotna idiay Barangay Magsaysay, Tagudin.
Nabigbig ti suspek a ni Rostom Lardizabal Lamadrid, agtawen iti innem a pulo ket uppat, agnaed iti nasao a lugar.
Nakaawat iti report ti Tagudin Police Station manning HIPAD manipud iti konduktor ti Partas bus nga adda lalaki a nakaiggem iti bato a bimmallasiw ken nanglapped iti panagdalyasatda iti national highway kangrunaan iti shell gasoline station.
Dagus a bineripika dagiti pannakabagi ti linteg ti pasamak ket idi nadanunda ti nakapasamakan ti insidente, nabigbig ti suspek a Kapitan iti barangayda, awan ti akin-ngato a badona ken adda naisukibot a paltog iti bakrangna a daytoy ket nagballasiw iti national highway a mapan iti barangay outpost tent iti laud a paset ti highway.
Idi dimteng dagiti kadua ni Pat. Gelacio a nagresponde ken immasidegda iti tent, ket nakitada ti barangay captain a nangidulin iti paltogna iti sirok ti lamisaan nga adda iti tent.
Naduktalan a nairehistro ti paltog iti LTOPF ngem awan ti Permit to carry Firearms outside of residence (PTCFOR) na.
