Nabiktima iti estafa ni Gregorio del Pilar mayor Mayor Henry Sidingan Gallardo, agtawen iti limapulo ket pito, naasawaan, taga- Brgy. Conception iti nasao nga ili.
Nabigbig met dagiti suspek a da Christine Tacio Batling, agtawen iti tallopulo ket innem naasawaan, residente iti North 48 Domilos, Tuding, Itogon, Benguet ken ni Albert C. Lawaguey, agtawen iti uppat a pulo ket tallo, naasawaan ken residente iti Sitio Ul-oling, Poblacion Norte, Gregorio del Pilar.
Ni Mayor Gallardo ket napan nagreport idiay Gregorio del Pilar mainaig ti Estafa a napasamak idi Marso 2024, ta atapenna a nabiktima isuna dagiti dua a nagpammarang nga agilaklako iti lugan.
Segun ken ni Mayor Gallardo, napan dagiti suspek ti balay ti biktima a nangisalda iti Toyota Innova nga aggatad P300,000 ket imanamong ti biktima nga awan ti napirmaan a katulagan ken saanna dinawat ti Certificate of Registration ken Official Receipt ti lugan.
Maipalagip a nagsubli dagiti suspek kalpasan ti mano a bulan ket dimmawatda iti nayon a P500,000 ket insukat ti suspek ti Toyota Innova iti black Toyota Fortuner.
Nagsubli manen ti suspek a ni Tacuo iti pagtaengan iti mayort ta iti daytoy a gundaway ket kayatna nga ilako ti Fortuner iti gatad a P1.3 million a datin naisalda iti mayor iti gatad nga P800,000.
Idi July 1, 2024, adda kasuratan a naaramid iti opisina ti mayor a bayadanna ti suspek iti P500,000 tapno makompleto ti gatad a P1.3 M.
Ngem idi 2024 idiay Camilla, Candon City, inswap ni Tacio ti Toyota Fortuner manipud iti kustodia ti mayor iti Toyota Conquest gapu ta ti nangsalda ket mapapati a kayatna ti Toyota Fortuner.
Idi December 27, 2024, maysa a managan iti Blademir Samoden Isabelo ti nangbulod iti Toyota Conquest manipud iti mayor a napan idiay Cervantes.
Ket iti dayta a gundaway, maysa pay a Rocky Lacwasan ti mangibagbaga a kukuana ti nasao a lugan a naireport idiay Cervantes Police Station a mapukpukaw a dagusda met nga innala.
Kabayatan ti kaaddana idiay Manila ni Mayor Gallardo tapno umatendar ti meeting ket timmawag kenkuana ti Cervantes Philippine National Police ken tinawaganna iti number ti nakatransaksyonna ngem saanna a matawagan dagitoy.
