Agtultuloy iti aktibidad ti Bulkang Mayon a nakairekordan ti effusive eruption iti maika-limapulo ket lima nga aldaw idi kalman, nga adda karamanna a lava effusions ken strombolian activity kas pinasingkedan ti Philippine Institute of Volcanology and Seismology (PHIVOLCS).
Segun kadagiti state volcanologist, ti agtultuloy a panagbettak ti Bulkang Mayon ket gappuanan ti incandescent lava flows, pyroclastic density currents ken dagiti rockfalls.
Agtaltalinaed nga Alert Level 3 ti Bulkang Mayon isu a nainget a maiparit ti panagserrek ti six-kilometer Permanent Danger Zone (PDZ).
Kinuna ti PHIVOLCS nga adda lava effusion ken flow a nairekord iti Basud a (3.8km), Bonga a (2.6km), ken Mi-isi (1.3km) gullies, kagiddan ti minor strombolian activity ken ash emissions.
