--Ads--
Agtaltalinaed nga Alert Level 3 ti Bulkang Mayon gapu iti agtultuloy a panagpangato iti aktibidadna.
Segun ti 24-hour bulletin iti Phivolcs, nairekord iti duapulo ket pito a volcanic earthquake iti Bulkang Mayon pakairamanan iti tallo a volcanic tremor.
Namonitor pay iti 318 rockfall event ken dua a pyroclastic density current wenno uson.
Umabot met iti panagayos iti lava iti agingga 3.8 a kilometro iti Basud gully, 3.2 a kilometro iti Bonga ken 1.6 kilometro iti Mi-isi.
-- ADVERTISEMENT --
Agtultuloy met a maiparit iti panagserrek iti 6-kilometer permanent danger zone ken panagpatayab kadagiti lugan iti tangatang iti asideg iti bulkan.
