Nagpatulongen iti national government ti provincial government ti Masbate gapu iti nakaro a panangduprak kadakuada ti bagyo Opong.
Nagpanawagan ni Masbate Governor Richard Kho a kayatda ti air asset tapno ma-assess ti sitwasion iti probinsia, kasta payen dagiti team ken alikamen para iti road clearing operation.
Saan a madalanan dagiti kangrunaan a kalsada idiay Masbate gapu kadagiti natwang a kayo ken poste isu a narigat ti panangipaayda iti tulong kadagiti biktima ti bagyo.
6,860 a pamilia wenno 21,861 nga indibidual ti naapektaran iti bagyo Opong manipud iti 182 a barangay iti probinsia ti Masbate idinto a tallo ti natay.
Inkari ni OCD Assistant Secretary Rafaelito Alejandro a mangipatulodda iti kasapulan a manpower ken alikamen idiay Masbate.
