--Ads--
Nangisayangkat ti protesta ti Nigeria Union of Teachers (NUT) kadagiti estado iti Lagos, Oyo ken Ogun kas panangkondenar ti pannakadukot dagiti mangisursuro ken agad-adal kadagiti estado iti Oyo ken Borno.
Nangrugi payen ti welga idi June 1 dagiti mangisursuri kadagiti pampubliko nga elementarya ken sekondarya a pagadalan idiay Oyo kas pananglapped iti kumarkaru nga insidente iti kidnapping.
Nakikaysa pay iti protesta dagiti residente, labor groups ken civil society organizations tapno kiddawen ti insigida a pannakawaya-waya dagiti biktima ken papigsaen ti seguridad iti pagilian.
Idi May 15 ket inatake dagiti armado a lallaki iti sumagmamano a pagadalan iti Oriire Local Government Area iti Oyo ken dinukotda dagiti mangisursuro ken agad-adal.
-- ADVERTISEMENT --
