--Ads--
Inallukoy ni House Deputy Minority Leader ken Akbayan Partylist Rep. Perci Cendaña ti administrasyon ni Pres. Ferdinand Marcos Jr. a mangiruar ti Executive Order a mangdeklarar iti July 12 kas West Philippine Sea Victory Day.
Dayta iti panawagan ni Cendaña kagiddan iti maika-sangapulo nga anibersaryo ti West Philippine Sea arbitral victory.
Segun ken ni Cendaña, dayta ket dakkel a balligi iti Pilipinas maipanggep iti world policy a rumbeng ket maammoan ken maawatan iti amin a Pilipino.
Ti kiddaw nga executive order ni Cendaña ket kapada iti ordinansa nga inruar ti lokal a gobierno iti Palawan idi 2024 a mangbilin iti tinawen a panag-obserbar ti West Philippine Sea Victory Day.
-- ADVERTISEMENT --
