Kwinestyonaran ni Senador Rodante Marcoleta ti panangidaulo ni Senate President Pro Tempore Panfilo “Ping” Lacson iti Blue Ribbon Committee mainaig iti imbestigasion ti flood control scam.
Partikular a kwinestyonaran ni senador Marcoleta ti maipagarup a kondision ni Lacson kas chairman ti komite sakbay nga ituloy ti panagdengngeg.
Segun ken ni Marcoleta, maipagarup a parparigaten ni Lacson ti proseso ti imbestigasion ti Senado ket impaganetget na a saan a masapul nga aramiden a lapped ti kinakurang ti perma dagiti senador iti partial committee report tapno maituloy ti panagdengngeg ken mairuar ti resulta ti imbestigasion.
Impunto ni Marcoleta ti maipagarup a kinakurang ni Lacson kas chairman ti komite a paayaban dagiti personalidad nga itudtudo dagiti testigo iti umuna a panagdengngeg.
