Maysa a lalaki ti naalaan ti mapapati a shabu ken paltog iti uneg ti pagtaengan na iti naisayangkat a search warrant idiay Barangay Bulag, ili ti Bantay.
Ti suspek a mannarimaan a masapsapul ket agtawen ti uppat a pulo ket tallo, residente ti nadakamat a barangay.
Nakumpiskar ti 0.8 gram ti mapapati a shabu nga aggatad ti P5, 440 a nakaikabil iti tallo a small heat sealed transparent plastic sachet.
Naala pay iti pagtaengan dagiti non-drug evidence a pakairamanan ti caliber 38 revolver, loaded ti dua a bala ken maysa a fired cartridge, maysa a piraso ti live ammunition ti caliber .38 ken sling bag.
Idi naisayangkat ti search warrant ket awan ti subject iti pagtaengan da ngem inrepresentar isuna dagiti nagannak na.
Sangoen ti suspek dagiti kaso a panaglabsing ti RA 9165 wenno Comprehensive Dangerous Drugs Act of 2002 ken RA 10591 wenno Comprehensive Firearms and Ammunition Regulation Act.
