VIGAN CITY – Maysa a magasin, sangapulo ket lima a bala ti 5.56 mm ken sangapulo ket tallo a piraso ti bassit a sachet a naglaon iti mapapati a shabu iti naala iti uneg iti pagtaengan ni Rommel Dominguez nga agtawen ti tallo pulo ket lima idiay Barangay Nanguneg, Narvacan idi alas otso y media iti agsapa idi kalman, January 14.
Ti nasao nga operasyon ket naiwayat babaen iti search warrant nga ikot dagiti nagtitipon a puwersa ti Narvacan municipal police station, Regional Drug Enforcement Unit- 1, Regional Intelligence Division, Ilocos Sur Police Provincial Office, Philippine Drug Enforcement Agency, Regional Office 1, ISPMFC ken RMFB- 1 .
Ti search warrant mainaig iti kaso a panaglabsing ti Republic Act 9165 wenno Comprehensive Dangerous Drugs Act of 2002 kontra ti suspek ket inparuwar ni Judge Elizabeth Bringas ti Regional Trial Court, Branch 72, Narvacan idi January 13, 2020.
Ngem, saan a nadanun dagit otoridad iti uneg ti pagtaengan da ti suspek ket ti laeng live in partner na a ni Richelle Dela Cruz ti adda iti uneg ti pagtaenganda kas pinasingkedan ni Police Captain Arcadio Viloria, hepe ti Narvacan PNP.
