Pinangtaan ti maysa a mannalon a patayen na ti padana a mannalon nga agmulmula ti tabako idiay Barangay Langlangca 1st, Candon City, Ilocos Sur.
Ti biktima ket agtawen iti limapulo ket tallo, mannalon, residente iti nadakamat a barangay.
Ti met suspek ket agtawen iti limapulo ket tallo, residente ti Barangay Casilagan Norte, ili ti Banayoyo.
Basar iti imbestigasion, mannarimaan nga agmulmula ti biktima ti bukel ti tabako idi immasideg ti suspek ket kellaat na a pinangtaan daytoy a patayen.
Saan a pinansin ti biktima ti suspek ken pinadas na a limmiklik ngem sinurot latta ti suspek ti biktima ken nangpidot ti kayo.
Naammuan a mapapati a nakainom ti arak ti suspek idi mapasamak ti insidente.
Mannarimaanen ti imbestigasion ti Candon City Police Station mainaig iti insidente kalpasan nga impakaammo ti biktima kadakuada iti napasamak a panagpangta.
