--Ads--
Datin a drug surrenderee ti mannalon a nakemmeg iti buy-bust operation idiay Salcedo, Ilocos Sur a naalaan iti nakurang P100,000 a gatad ti mapapati a shabu.
Ti suspek ket agtawen iti uppat a pulo ket innem, agnaed iti nasao nga ili.
Iti pannaki-uman ti Bombo Radyo Vigan ken ni PCPT. Floro Cosning Jr., adda kason ti suspek iti iligal a droga ta idi kallabes ket nairaman pay iti panagmula iti marijuana.
Immabot iti mano nga aldaw a sinipsiputan dagiti pannakabagi ti linteg ti suspek sakbay a naisayangkat ti operasion a nakakemmeganna.
-- ADVERTISEMENT --
Naala manipud iti suspek ti 14.64 grams ti mapapati a shabu nga aggatad iti P99, 552 a naikabil iti 5 nga heat-sealed transparent plastic sachet agraman dagiti nadumaduma a drug paraphernalia.
