Nakaawiden ti maysa a mangngalap a naireport a mapukpukaw idiay Barangay Paratong, Sta. Lucia, Ilocos Sur.
Nabigbig ti mangngalap a ni Ronnie Ragudo, agtawen iti duapulo ket tallo, agnaed iti nasao a barangay, a ti bilogna ket agmaris iti yellow ken white nga adda naikabil a Melody and Grace.
Nagturong ti rescue team kaduada ti PCG-Candon Substation para iti coastal monitoring idin ta ti co rescuer a ni Salvador Moreno ket nagreport babaen iti LDRRM Chat box a ti nasao a mangngalap ket nakasangpeten.
Nagturong ti grupo iti balay ti mangngalap tapno mangala iti naan-anay a detalye.
Segun ken ni Ragudo, alas dyes iti agsapa ti October 5, pinaandar dagiti mangngalap ken dagiti dua a kaduana, walo milya ti kaadayona manipud iti igid ti baybay.
Idi rumabiin, saannan a mapaandar ti bologna isu a nagusarda iti rama a nangigalutanda iti bilog bayat nga agur-uray nga adda makakita kenkuana.
Alas singko iti agsapa iti October 6, innem a bangka ti napan nagsapul.
Segun ken ni Edwin Quillopo, agtawen iti tallopulo ket innem, a taga-Barangay Paratong Sta. Lucia, nakitada ti rama ket ginuyodda ti bilog ti mangngalap nga imbangkag.
