VIGAN CITY – Cellphone ken sling bag a naglaon iti naduma-duma a klase ti ID ken dua ribo a pisos iti tinakaw dagiti saan pay nabigbig a suspek iti uneg iti pagtaengan ni Pelagio de Castro nga agtawen ti lima pulo ket innem, mangisursuro ken agnaed idiay Paras, Candon City.
Agin-indayon iti kusina da ti biktima ket idi mapan kuma umisbo, nadlaw na nga awan iti cellphone ken ti sling bag na nga inkabil na iti abay na ket patien na nga intaray dagiti saan pay nabigbig a suspek.
Maibasar iti inisyal nga imbestigasyon dagiti otoridad, ti main door iti pagtaengan iti mapapati a simrekan ken rimuwaran dagiti saan pay nabigbig a suspek.
Ti agdama, manarimaan pay laeng iti naun-uneg nga imbestigasyon dagiti otoridad iti pasamak tapnu maduktalan nu siasino dagiti suspek a nagtatakaw iti uneg iti pagtaengan ti mangisursuro.
