VIGAN CITY- Awan ti intensyon ti Philippine Drug Enforcement Agency (PDEA) nga ibabain dagiti Grade 4 pupil agpangato iti plano ti ahensya a mandatory drug test kadakuada.
Segun kenni PDEA spokesman Director Derrick Carreon, ti kangrunaan a gagem iti plano da ket iti panangipaay ti ” pro active protection’” ken early intervention program para kadagiti agag-adal.
Inlawlawag ni Carreon a nu masukatan ti random drug test iti mandatory drug test kadagiti agad-adal ken masakupan saan laeng a dagiti adda ti secondary ken tertiary level ngem ketdi mairaman dagiti grade school students ket maliklikan iti panagkikinnantiyaw, nangruna dagiti agga-gayyem.
Nagramot iti plano ti ahensya a mandatory drug test kadagiti napalabas a report nga adda dagiti mangisursuro ken non teaching personnel a nakemmeg kadagiti anti illegal drug operation ti PDEA ken Philippine National Police.
Kabayatanna, inpakaammo ti PDEA spokesman a respetaren ti PDEA iti reaksyon ti Department of Education a mangkontra iti mandatory drug test kadagiti amin nga agad-adal ngem inlawlawag na a ti kangrunaan a tarigagay da ket maiyadayo dagiti ubbing iti iligal a droga.
