Impaganetget ni Presidential Communications Office (PCO) Usec. Claire Castro a napaay ti administrasyon ni dati a President Rodrigo Duterte a linabanan iti korapsyon ta korap met laeng iti nangidaulo.
Dayta iti sungbatna iti sarita ni Vice President Sara Duterte a rumbeng a tignayan ni President Ferdinand Marcos Jr. iti korapsyon iti flood control projects ngem tay aguray iti maisaysayangkat nga imbestigasyon iti Independent Commission on Infrastructure (ICI) a binukel ti presidente.
Segun ken ni Usec. Castro, malagipda nga adda kari idi napalabas nga administrasyon a tallo agingga innem a bulan ket maleppasen iti korapsyon.
Innayonna a nu adda iiti sistema ti bise presidente nu kasano a dagus a leppasen iti korapsyon ket nasaysayaat a kiniddaw ken intedna iti amana.
