Nagsinnungbat iti Senado da Senate President Alan Peter Cayetano ken DILG Secretary Jonvic Remulla bayat nga isay-sayangkat ti PNP-CIDG ti pannakakemmeg ni Senador Jinggoy Estrada mainaig iti kaso a plunder.
Bayat a maipatpatungpal ti warrant of arrest, pinasingkedan ni Cayetano a masapul a raemen ti institusyon ti Senado ken palubosan ni Estrada a rummuar pay nga umuna sakbay a kemmegen.
Saan nga immanamong ni Remulla ket impaganetget na a naawananen ti pribilehiyo ti Senado kalpasan ti insidente a panaglibas ni Senador Ronald Bato Dela Rosa manipud iti protective custody.
Agtaltalinaed a sentro ti kontrobersiya ti kaso ni Estrada nga adda pakainaiganna iti maipagarup a P573 milyon nga anomalya na iti flood control projects, maysa a kaso a non-bailable nga adda dusa na a reclusion perpetua no mapaneknekan a guilty.
