--Ads--
Mangipila iti reklamo ti Malakanyang kontra kadagiti agiwarwaras iti saan a husto nga impormasion mainaig iti salun-at ni Presidente Ferdinand Marcos Jr.
Segun ken ni Presidential Communications Office Secretary Dave Gomez, agdama nga ur-urnongen ti gobierno dagiti ebidensia kontra kadagiti karaman ken target a maipila ti kaso iti Department of Justice inton sumaruno a lawas.
Rimsua manen ti patangan kalpasan a nagwaras iti social media nga adda stage 4 cancer ti presidente ken adda iti ospital.
Impaganetget dagiti dadduma a “throwback” laeng dagiti ladawan ken video dagiti aktibidadna, banag a kinontra ti Malakanyang.
-- ADVERTISEMENT --
