Kinumpirmaran ti Malakanyang nga umatendar dagiti executive official iti sumaruno a Senate hearing iti pannakakemmeg ni dati a Presidente Rodrigo Duterte idi napan a bulan.
Segun ken ni Palace Press Officer Usec Atty. Claire Castro, saanda pay la a naikkan ti ania man a detalye no naawatdan ti imbitasyon ken nasken nga iti imbitasyon ket naikabil no asino dagiti tao a naimbitaran.
Dagiti posible nga umatendar iti panagdengngeg ket da Justice Secretary Jesus Crispin ”Boying” Remulla; Prosecutor General Richard Anthony Fadullon; Chief State Counsel Dennis Arvin Chan; Foreign Affairs Secretary Enrique Manalo; Philippines Center on Transnational Crime executive director Anthony Alcantara; Philippine National Police chief General Rommel Francisco Marbil; PNP-Criminal Investigation and Detection Group chief Major General Nicolas Torre III; Migrant Workers Secretary Hans Cacdac; special envoy Markus Lacanilao; Atty. RJ Bernal; ken ni Atty. Ferdinand Loji Santiago.
Innayon ni Castro a respetaren ti Marcos administration ti awag ti Senado para iti executive official tapno atendaran ti imbestigasyon mainaig iti nasao a banag.
