Irespeto ti Malakanyang ti independence ti Independent Commission for Infrastructure (ICI) kasaruno iti panangipakaammo ni Baguio City Mayor Benjamin Magalong a panagikkatna kas special adviser iti komisyon a mangim-imbestigar iti maanomalya iti infrastructure projects iti baet ti mapapati a posible a conflict of interest.
Segun ken ni Presidential Communications Office (PCO) Acting Secretary Dave Gomez, makapasayang iti panagikkat ni Magalong ngem ti kiddaw iti kaaddoan a Pilipino iti maipangruna.
Kinuna ni Gomez a ti ICI a bukbuklen dagiti nasikat a propesyunal ket insigida a nangrugi iti trabahoda iti umuna nga aldaw pay laeng nga awan iti masaysayang nga oras.
Immunan nga inlawlawag ni Magalong nga awan ti conflict of interest iti trabahona kas maysa a local official ken special adviser iti ICI.
Pinasingkedan pay ti mayor a saan a nadaras ti nagbalin a desisyonna ngem patienna a kasapulan la unay.
Iti baet ti panagikkatna iti komisyon ket saan a maikat ti commitment para iti kinapudno ken hustisya ken siguradoenna iti publiko nga itultuloyna iti laban kontra iti korapsyon.
