Indeklarar iti Malakanyang ti July 15 nga special non-working day idiay Cordillera Administrative Region (CAR) kas panagrambak iti maika-tallopulo ket walo a tawen a founding anniversary-da.
Iti inruar a Proclamation 939 ni Executive Secretary Lucas Bersamin babaen ti bilieg ni Pres. Ferdinand Marcos Jr., rumbeng laeng a maipaayan dagiti umili iti Cordillera ti gundaway tapno aktibo a makipaset iti napated nga ikasyon ken selebraran iti founding anniversary iti rehiyon.
Ti maika-38 founding anniversary idiay CAR ket mangrugi idiay Baguio City babaen ti opening program idi July 1 iti Baguio Convention Center.
Ti tema ita a tawen ket “Securing the Future of a Unified Cordillera”.
Idiay Baguio City ti agserbi a host local government iti pannakikammaeyda iti infrastructure committee of the Regional Development Council.
