--Ads--
Inlawlawag ti Malakanyang a saan nga agbalin a lapped ni Pres. Ferdinand Marcos Jr. iti pannakairuar ti kinapudno kalpasan a pinalubosanna ti Bureau of Internal Revenue (BIR) nga agipasa iti Senate Impeachment Court ti naipa-subpoena a tax record ni Vice President Sara Duterte ken Atty. Mans Carpio.
Segun ken ni Palace Press Officer USec. Claire Castro, sumursurot laeng ti presidente iti linteg.
Kinuna ti Malakanyang nga awan maris pulitika ti pangngeddeng ti presidente.
No man pay immunan a nagdudua ti Malakanyang ta posible nga agbalin nga isyu dayta kadagiti sumaruno nga impeachment proceedings kontra iti maysa a presidente, kasapulan latta nga ipalubos ta isu ti kidkiddawen ti National Internal Revenue Code.
-- ADVERTISEMENT --
