Nangipila ti kaso a kriminal a cyberlibel ni Manila 2nd District Representative Rolando M. Valeriano, miembro ti National Unity Party (NUP), kontra ken ni Cavite Representative Francisco “Kiko” A. Barzaga.
Daytoy ket adda pakainaiganna latta iti social media post ni Barzaga a nangakusar kadagiti agpampanday linteg ti NUP nga immawat ti pasuksok kasukat ti suporta iti politika.
Pinasingkedan ni Valeriano, maysa a pampubliko nga akusasion ti panagpasuksok kontra iti miembro ti National Unity Party nga awan met ti naan-anay nga ebidensia wenno basaran a maipakita ni Barzaga.
Inlawlawag pay ni Valeriano a ti nasao a post ket nakabukel ti Cyber Libel nga adda dusa-na iti salinong ti section 4 (c) ti Republic Act No. 10175 wenno Cybercrime Prevention Act of 2012. Reynand Fontejon
