VIGAN CITY – Naisayangkat ti maikasangapulo nga anibersaryo ti Ilocos Sur Provincial Jail ket nadumaduma nga aktibidad ti naangay iti event.
Iti pannaki-uman ti Bombo Radyo Vigan ken ni Provincial Jail Warden Raymond Tabios, maysa a highlight iti aktibidad ti panagturpos dagiti duapulo ket lima a Persons Deprived of liberty iti Ilocos Sur Provincial Jail’s Rehabilitation Program ken the Community-Based Drug Rehabilitation (CBDRP) Program.
Nakaawatda met iti certificate a maaramatdanto inton makaruarda.
Malaksid it dayta, adda pay ti walo a PDL a completer ti Alternative Learning System ken ti panangipakaammo dagiti duapulo ket lima nga iskolar ti TESDA.
Nakaited pay ti liwliwa kadagiti dimar-ay ti naiyuswat a festival Showdown Competiton dagiti PDL a nangi-feature iti Samiweng, Binatbatan, ken Longanisa Festival ket dagiti nangabak ket nakaawat met ti gunguna
Ti maysa nga aldaw nga aktibidad ket dinar-ayan da Gov. Jerry Singson, Ilocos Norte Provincial Jail Warden Benilda Sadian, BJMP Provincial Administrator JSINP Freddie Emiliano J Villon, JINSP Roger Pascua, acting Warden BJMP Vigan, ken dadduma pay a personalidad ken kameng ti ahensya
