Dinayyeg ti Magnitude 6.2 a ginggined iti bagatan a paset ti Mindanao itay alas singko disi otso kas pinasingkedan ti Philippine Institute of Volcanology and Seismology.
Naammoan a nagsentro ti ginggined iti 113 kilometro, bagatan a daya iti Governor Generoso, Davao Oriental a ti kaunegna ket siam a pulo ket uppat a kilometro.
Narikna iti Intensity V iti Governor Generoso, Davao Oriental ken Jose Abad Santos, Davao Occidental idinto nga Intensity IV met iti sumagmamano nga ili iti Sarangani, South Cotabato, Sultan Kudarat ken General Santos City.
Nairekord pay iti Intensity III idiay Mati City ken sumagmamano nga ili ti South Cotabato, idinto nga Intensity II idiay Davao City, Kidapawan, Cotabato, ken dadduma pay a lugar idiay Sarangani ken South Cotabato.
Iti instrumental readings, napasamak ti Intensity IV iti Digos City, Koronadal, Tupi ken Kiamba, Sarangani.
Agtultuloy a palpalagipan ti PHIVOLCS iti publiko nga agtalinaed a naalerto ken sumurot kadagiti pakaammo iti lokal a gobierno bayat nga agtaltalinaed ti monitoring kadagiti posible nga aftershocks.
