Awan iti nairekord a nadunor ken awan nadadael a pasdek ken pagtaengan kalpasan iti napasamak a magnitude 4.3 a ginggined a nagsentro idiay San Juan, Ilocos Sur iti oras iti alas otso idi rabii, September 4, 2025.
Iti pannaki-uman ti Bombo Radyo Vigan ken ni Rhon Arquelada a Provincial Disaster Risk Reduction and Management Council Officer, narikna iti intensity 3 iti siudad ti Vigan; intensity 2 iti Sinait, Ilocos Sur, San Nicolas, Ilocos Norte, ken Bangued, Abra idinto nga iti internsity 1 ket narikna idiay Laoag City, Ilocos Norte.
Segun ken ni Arquelada, apaman a narikna iti ginggined ket indeployda a dagus dagiti PDRRMO responder a nag-assess ken nakikammayet kadagiti City ken Municipal Disaster Risk Reduction and Managent office iti probinsia.
Kinuna ni Arquelada a ti nasao a ginggined ket nagsentro iti kadagaan ket saan a ti kabaybayan.
