Awan ti naireport a damages kalpasan ti pannakarikna ti ginggined iti dadduma a paset iti probinsia.
Dayta ket kalpasan a dinayyeg ti magnitude 4.1 a ginggined idiay Nueva Era, Ilocos Norte idi alas syete disisyete idi rabii, November 23, 2024 a nakariknaan met iti 1st District iti Ilocos Sur.
Iti pannaki-uman ti Bombo Radyo Vigan ken ni Rhon Arquelada a Provincial Disaster Risk Reduction and Management Officer, nairekord ti Intensity 4 iti ili ti Cabugao ken Sinait idinto a narikna iti Intensity 2 iti siudad ti Vigan ken narikna uray dagiti dadduma a lugar iti umuna a distrito iti probinsia.
VIDEO – PDRRM OFFICER RHON ARQUELADA 1
Impalagip ni Arquelada kadagiti umili iti panangisayangkat ti duck cover and hold nu kas bilang sumangbay iti ginggined ket inton malpas ti ginggined ket mapan iti open area tapno saan a maan-ano.
Allukoyenna pay iti publiko a makipaset iti earthquake drill nga isaysayangkat iti Disaster Risk Reduction and Management Office tapno manayonan pay iti ammo maipanggep iti panagsagana nu dumteng ti ginggined.
VIDEO – PDRRM OFFICER RHON ARQUELADA 2
