Pinasingkedan ni lead prosecutor ken Batangas Rep. Gerville Luistro a saan a tsismis wenno propaganda dagiti ebidensia ti prosecution team kontra ken ni Vice President Sara Duterte.
Kiniddaw ni Luistro kadagiti senator-judge a sukisoken a nalaing dagiti ebidensia, witness ken record nga impasa da iti impeachment court.
Dagiti dak-dakamaten ni Luistro ket dagiti official records, financial document, government reports, dagiti video recording ken dadduma pay para iti uppat nga article of impeachment a pakairamanan ti saan nga husto a panagaramat ti confidential funds, panangpasuksuk kadagiti opisial ti Department of Education (DepEd), unexplained wealth ken grave threat.
Innayon pay ni Luistro a dagiti dokumento ket saan nga agbobotos ken dagiti records ket awan ti partido-na.
