Binilin ni Philippine National Police (PNP) chief General Jose Melencio Nartatez Jr. dagiti hepe iti lokal PNP nga isagana dagiti lugan para iti programa a “Libreng Sakay” kadagiti commuter a maapektaran iti transport strike inton bigat.
Binilin dagiti opisyal a bigbigen dagiti estratehiko a ruta tapno mapalawa ti maidanon a tulong iti otoridad karamanen iti pannakikammayet dagiti organizer iti strike tapno masigurado iti naurnos a pannakaisayangkat ti protesta.
Immunan a nangideklarar ti transport group a PISTON iti nationwide transport strike kas tignay iti ngumin-ngina a presyo iti langis gapu iti tensyon idiay Midde East.
Segun ken ni Nartatez, maawatanna iti concern ti public transport sector ken mangnamnama a mapanunot a nalaing iti pannakaisayangkat iti tigil-pasada ta saan nga ita iti husto a gundaway.
Nakasagana ti PNP a pagtalinaeden iti kappia ken kinaurnos, karamanen iti panag-assist kadagiti agbiahe.
