Nangituding ti Land Transportation Franchising and Regulatory Board (LTFRB) ti price cap iti bayad ti booking wenno platform fees kadagiti passenger taxis.
Iti salinong ti nairruar a Memorandum Circular 2026-055, masapul nga adda iti 20% ti kabuklan ti naaprobaran a rate wenno P60, ti mabalin a kolektaen nga otorisado a booking wenno platform fee manipud kadagiti pasahero ti tax units babaen ti digital wenno online transport platforms.
Nakaipalaon iti memorandum nga awan ti nayon a booking fee, convenience fee, service fee, platform surcharge wenno kapada a fee ti masapul a singiren nga awan ti panag-apruba manipud iti Board.
Naaramid ti nadakamat a memorandum iti tengnga dagiti damag mainaig ti fees a singsingeren ti taxi operators nga agar-aramat ti online platforms para iti booking dagiti pasahero.
Inlawlawag met ni LTFRB chairman Atty. Vigor Mendoza, sakop laeng daytoy dagiti taxi units ken operators nga adda digital booking platforms a nag-facilitate ti passenger transport services babaen ti online wenno app-based platforms.
