VIGAN CITY– Posible latta ti localized ceasefire/peacetalk iti laksid nga indeklara ni Presidente Rodrigo Duterte a terorista ti CPP-NPA.
Dayta iti inlawlawag ni Department of Interior and Locan Government (DILG) officer-in-charge Catalino Cuy kabayatan ti Regional Peace and Order Council Meeting ti Region 1 a naisayangkat iti Vigan City, Ilocos Sur.
Segun kenni Cuy, no posible a makapatang dagiti rebelde a grupo ket mabalin tapno magun-od ti linak ken talna ken guyuguyen a sumuko da iti gobierno.
Kabayatanna, patien ni Cuy a nakasaganan ti Armed Forces of the Philippines (AFP) ken Philippine National Police (PNP) iti posible nga ad-ado a panagraut ti NPA kalpasan a naideklara da a terorista.
Para kenni Cuy, gapu iti napasamak idiay Marawi City ket ad-adda a pimmigsa iti motibasyon ken timmibker iti pakinakem dagiti pulis ken suldado tapno lumaban para iti pagilian .
