Imbestigaran ni Senador Sherwin Gatchalian iti Senado ti responsibilidad dagiti banko iti money laundering activities a nakairamanan ni dati a Mayor Alice Guo iti Philippine Offshore Gaming Operators (POGO).
Segun ken ni Gatchalian, idurduronna ti imbestigasyon kadagiti local banks nga inusar ni Guo iti money laundering activities na, ken ti kinapudnona ket ag-draft-da metten iti resolution para iti daytoy.
Inamin ti senador a daytoy nga anggulo ket maysa a saan a naikkan ti spotlight wenno saan a naipamaysa kalpasan ti panagimbestigar ti Senado kadagiti POGO iti pagilian.
Innayona pay nakaro a krimen dagiti money laundering a nairugi manipud kadagiti POGO, isu a nasken laeng a maimbistigaran.
Kinunana nga automatiko nga ideklara dagiti banko dagiti bank deposits a dumanon iti P500,000 ngem ti napasamak kadagiti transaksion ni Guo ket kuestonable a nakastrek ti P7 billion iti pagilian a saan man laeng a naduktalan ti Anti-Money Laundering Council (AMLC) ken saan nga in-report dagiti banko.
