--Ads--
Agtaltalinaed kadagiti temporary shelter dagiti agindeg a naibakwit kalpasan a dinadael ti layus dagiti kabalbalayan ken istraktura iti Budhi Gandaki river idiay Nepal.
Dagus a nangipatungpal ti evacuation dagiti otoridad ken nagballaagda kadagiti agindeg nga umakar iti nataltalged a lugar kabayatan a mabambantayan ti lebel ti danum iti karayan.
Awan pay ti naimaldit a natay iti pasamak kabayatan nga agtultuloy a maim-imbestigaran ti rason ti bigla a panagpangato ti danumna.
Kabayatanna, lineppasen ni Prime Minister Balendra Shah ti search and rescue operations tapno pagpokusan ti rehabilitasion ken pannakatarimaan dagiti nadadael a kalsada ken rangtay a mapatta-patta nga umabot iti $4.77 billion dollar.
-- ADVERTISEMENT --
