Imbabawi ti Professional Regulatory Board of Civil Engineering (PRB-CE) ti lisenysa ni dati a Department of Public Works and Highways (DPWH) Bulacan First District Engineer Henry Alcantara maipanggep ti mapapati a nakairamananna a flood control scam.
Ti pangngeddeng ti PRB-CE ket gapu iti gross unprofessional ken unethical conduct kalpasan a pinasingkedan ti DPWH nga adda sungsungbatan ni Alcantara iti panangaprubar ti disbursement iti pampubliko a pondo para iti “ghost” projects.
Ti addang ket nakaru a breach iti Code of Ethics for Civil Engineers ken betrayal of public trust.
Karaman ni Alcantara kadagiti DPWH engineer a mapapati a karaman iti kickback scheme ken “ghost” flood control projects idiay Bulacan.
Napawaywayan ni Alcantara iti sangapulo ket lima nga aldaw tapno agipasa ti motion for reconsideration iti board, ket no saan a maaprubaran ket mabalin nga agipila iti notice of appeal iti Commission Proper iti uneg iti sangapulo ket lima nga aldaw manipod naawatna iti resolusyon.
