VIGAN CITY – Dakkel iti namnama dagiti taga- Toronto, Ontario, Canada a maala ti Toronto Raptors iti kampeonato ti NBA Finals 2019 ta segun ken ni Bombo International Correspondent Marnie Campos ket adda iti 52% prediction ti Amerika inaig iti nasao a banag.
Immuna iti dayta, kinumpirmaran ni Campos a sakbay a nakastrek ti Raptors iti NBA finals ket adda manen iti 72% a prediction nga isuda iti makastrek nu ikompera ti Milwaukee Bucks.
Kabayatanna, mangnamnama met ni Percival Quitoriano a mapagtalinaed ti Raptors iti momentum da iti ay-ayam tapnu maala da iti kampeonato kontra ti defending champion a Golden State Warriors.
Maipalagip nga idi May 31, inabak ti Raptors ti Warriors iti iskor a 118-109 nga isu iti nakaragsakan dagiti adu a Canadian ken supporters ti Canadian professional basketball team.
