Lima ti nadunor iti pannakatukbob ti motorsiklo iti traysikel iti national highway idiay Barangay Barbarit, Magsingal, Ilocos Sur.
Nabigbig ti nagmaneho iti traysikel a ni Mariano Rayray Giron, agtawen iti limapulo ket pito, inluganna da Leticia Bueno Giron, agtawen iti limapulo ket lima, ken dagiti dua a menor de edad nga amin ket agpapada a taga-Barangay Camindoroan, San Juan.
Ti met nagmaneho iti Mio a motorsiklo ket ni Joshua Alexander Rodriguez Lagmay, agtawen iti tallopulo, taga-Barangay Nagsabaran, San Juan.
Agpapa-amianan dagiti dua a lugan, ket idi nagtengda ti nakapasamakan ti insidente, natukbob ti motorsiklo ti sarsarunwenna a traysikel.
Gapu dayta, nadunor amin dagiti karaman ket dagus a naipan iti ospital para iti pannakatamingda.
Natakuatan a ti drayber ti motorsiklo ket nakainom idi mapasamak ti aksidente.
