Lima a masikog a kalding nga aggatad amin ti P35,000 iti natakaw idiay Apatot, San Esteban, Ilocos Sur.
Iti pannaki-uman ti Bombo Radyo Vigan ken ni Susan Pader nga agnaed idiay Ansad, San Esteban, dua a kalding iti natakaw iti taltalon idinto tallo iti kalapawda.
Segun ken ni Susan, ti kaldingna ket maysa ti labang a black and white, maysa a brown ken tallo iti puraw ti kolorna.
Panawaganna kadagiti makakita wenno malakoan nga ipakaammo kenkuana tapno maisubli dagiti tarakenna.
VIDEO – SUSAN PADER
Saan laeng nga isuna ti natakawan iti taraken ta uray ni Leonard Vidal a karrubana ket natakaw iti uppat a masikog a kaldingna a naiwayway iti nasao met laeng a lugar.
Inladawanna dagiti tarakenna a dua iti color brown ken dua iti puraw.
VIDEO – LEONARD VIDAL
