--Ads--
Ad-adalen iti gobierno dagiti addang tapno makissayan ti epekto iti manamnama a panag-ngina iti langis, kasaruno iti agtultuloy a tension idiay Middle East.
Segun ken ni Pres. Ferdinand Marcos Jr, karaman kadagiti opsyon ti panangted ti libre a sakay kadagiti bus iti kangrunaan a kalsada ken panangpatalinaed iti nalaka a plete iti pampubliko a transportasyon tapno saan a marigatan dagiti commuter.
Kitkitaen iti gobierno ti posibilidad ti nayon nga ayuda para kadagiti mangmangged a mabalin a maapektaran iti panang-ngina iti presyo iti krudo.
Kabayatanna, nakasaganan a maipatungpal ti fuel subsidy para iti sektor iti transportasyon, agrikultura ken panagkalap no umabot iti $80 kada bariles iti presyo ti langis iti world market.
-- ADVERTISEMENT --
