Sangapulo a tattao iti natay idinto nga uppat a pulo ti mapukpukaw kalpasan ti torrential rain a nangitundaan ti landslide iti maysa a gold mine idiay Sulawesi, Idonesia.
Segun ti mangidaulo ti Basamas rescue agency, ti landslide ket napasamak iti Suwawa District, Gorontalo Province a nakatayan dagiti miner ken residente.
Naideploy iti sangagasut innem a pulo ket uppat a personnel a nagkakaduaan ti national rescue team, police ken military personnel tapno sapulen dagiti mapukpukaw.
Immunan nga impakaammo ti ahensya a sangapulo ket dua ti natay idinto a sangapulo ket walo ti mapukpukaw ngem kalpasan ti maysa nga aldaw ket naipakaammo ti pudno a bilang ti natay ken nadunor.
Marigatan dagiti rescuer nga agsapul kadagiti mapukpukaw gapu ti napigsa a tudo.
