--Ads--
VIGAN CITY – Nalmes ti lalaki nga agtawen ti siyam iti nagdigosan na a waig idiay Barangay San Nicolas, Candon City.
Binigbig ni Police Lt. Col. David Dulnuan, hepe ti Candon City, ti biktima a ni Emmar Gabor Malabas nga agnaed idiay Zone 7, Barangay San Nicolas, Candon City.
Napan nagdigos ti biktima ken ti dua pay nga ubbing a gagayyem na iti waig idiay Barangay San Nicolas ket posible a saan a napuutan ti biktima a nakadanun idi adalem a paset na isu a limned ket insigida met a nagpaarayat dagiti dua a kakadua na.
Naalaw nga insigida iti bagi ti biktima kalpasan iti sumagmamano a minutos manipud idi limned iti uneg iti danum ket naitaray idiay Candon City Hospital ngem naideklerar a dead on arrival.
-- ADVERTISEMENT --
