--Ads--
Nakemmeg ti maysa a lalaki nga agik-ikot iti iligal a paltog ken bala babaen iti pannakaiwayat ti search warrant operation iti ili ti Caoayan.
Ti suspek ket agtawen iti uppat a pulo ket innem, agnaed iti nasao a lugar.
Nakumpiskar kabayatan iti operasyon ti maysa a homemade shotgun, rifle grenade, dua a piraso ti magazine para iti caliber .30mm carbine, live ammunition para iti caliber 7.62, uppat a live ammunition para iti 12gauge shotgun, innem a live ammunition para iti caliber .357 magnum, ken uppat a pulo ket dua a live ammunition para iti caliber 30mm carbine.
Sangwen ti suspek ti kaso a panaglabsing iti Republic Act 10591 wenno Comprehensive Firearms and Ammunition Act.
-- ADVERTISEMENT --
