VIGAN CITY – Parikut iti salun-at ti rason ti panagbekkel iti maysa a lalaki, nga agtawen upat a pulo ket walo, mangngaalap, residente iti Magsingal.
Iti pannaki-uman ti Bombo Radyo Vigan ken ni Police Lieutenant Richard Pajo ti Magsingal Municipal Police Station, alas singko ti bigat idi kalman a nakita ti biktima a nakabitin iti kayo a Bittaog babaen ti napuskol a tali a nakaigalut iti tengngedna ken tugaw nga inusarna a panagbatayan.
Segun kenni Police Lieutenant Pajo, kanayon nga ibabaga ti biktima iti putotna nga agpakamatay ta kumarkaro iti sakitna ta aglammin uray ania ti kasasaad ti paniempo.
Naipan pay laeng ti biktima iti ospital ngem indeklara iti doctor a a natayen.
Nagpalagip ni Police Lieutenant Pajo a nu adda dagiti agdaldalyasat iti depression ket kasarita wenno ipa-check-up iti eksperto tapno maliklikan dagiti suicide cases. | BOMBO NESAMI
