Nakemmeg ti maysa a lalaki iti buy-bust operation nga insayangkat dagiti otoridad idiay Barangay Bateria, San Esteban, Ilocos Sur.
Babaen iti panagtitinnulong dagiti otoridad ket nakemmegda ti suspek ken naala kenkuana ti nasurok-kumurang 0.5 a gramo iti mapapati a shabu a mapatta-patta nga aggatad ti P3,400 ken nasurok kumurang 0.4 a gramo iti napagango a bulong iti marijuana nga aggatad iti P48.
Naala manipod ti suspek ti drug items a maysa a heat-selaed transparent plastic sachet a naglaon iti mapapati a shabu ken maysa a piraso iti transparent plastic sachet a naglaon iti mapapati a napagango a bulong a marijuana.
Dagiti met non-drug evidence a naala ket maysa a genuine one thousand pesos, maysa a unit iti cellphone ken maysa a piraso iti papel a color white.
Maisagsaganan ti kaso a panaglabsing ti Section 5 ken Section 11 iti Republic Act 9165 iti Revised Penal Code kontra iti suspek.
