Nakemmeg ti maysa a lalaki iti naisayangkat a buy-bust operation idiay Barangay San Roque, Santiago, Ilocos Sur, saan a Drug Cleared Barangay.
Ti suspek ket ni Julius Boado Vallar, alyas Jack, agtawen iti tallopulo ket walo, taga-Barangay Lloren, Tubao, La Union.
Naala kenkuana ti 58.7 grams ti mapapati a shabu nga aggatad iti PHP399,160, naikabil iti uppat a piraso ti small-heat sealed transparent plastic sachet ken maysa a dakkel a heat-sealed transparent sachet – maysa ti bassit a sachet ti nagserbi a buy-bust item, tallo a sachet ken maysa a dakkel a sachet ti possession na.
Dagiti non-drug evidence ket pakairamanan ti maysa a genuine 1000-peso bill a buy-bust money, sangapulo ket lima a piraso ti 1000-boodle money a nagserbi met laeng a buy-bust money, maysa a backpack, uppat a piraso ti narolyo nga aluminum foil, lighter ken tallo a piraso ti one peso coin a kuarta ti suspek.
Sangwen ti suspek ti kaso a panaglabsing iti Republic Act 9165 wenno Comprehensive Dangerous Drugs Act of 2002.
