--Ads--
Nakemmeg ti maysa a lalaki gapu iti panaglabsingna iti Republic Act 9262 wenno Anti-Violence Against Women and Their Children Act of 2004 idiay Zone 1, Bantay, Ilocos Sur itattay, June 23, 2026.
Ti akusado ket agtawen iti duapulo ket innem, vendor a tubo idiay Zone 5, Bantay ngem agdama nga agnanaed idiay Boquig, Bantay.
Babaen ti bileg ti warrant of arrest ket nakemmeg ti akusado iti panaglabsingna iti Section 5 paragraph A Penalized under Sec. 6 paragraph A wenno Republic Act 9262 ken narekomendaran ti pyansa nga aggatad iti P72,000.
Ti akusado ket nakakustodiyan iti Bantay Municipal Police Station tapno dumalan iti husto a proseso.
-- ADVERTISEMENT --
